沉醉于悉尼与墨爾本的日子

以下係過去十四日同老婆于悉尼与墨爾本嘅短短日志。

28日6月2004年，星期一 打開澳洲之旅序幕
零晨五點幾由KLIA直飛悉尼，全程整係吃同瞓就冇乜世兿。终于係四點出踏足悉尼機場同吸一吸稍微冰凉嘅空气。啊吓。。。啲感觉果然清新；仲同老婆係個寫明“Sydney International Airport”嘅招牌度影翻張相爲証。哈哈。。。之後買咗两張四蚊澳幣嘅Airport Link列車票過去Terminal 2度接下一班Virgin Blue航班直踩落墨爾本；依運就真係齋坐嘞。因爲水都冇滴，俾钱買嘅就成車咁係面前揚嚟揚去。九點幾又再一次感受啲冰凉嘅空气，但。。。今次就唔同晒；因爲墨爾本气温低至8,9度。當嗰機場門一打開；哗。。。简直有驣驣震嘅feel吖；老婆仲凍到打牙咬添。最搞笑都係當晚揾嗰Spencer Station，原來地上以經劃晒啲红蓝黄线嚟带路。仲之同老婆两個人兜兜轉轉好一阵先揾嗰有残又舊嘅Spencer Station。否则都咪想可以去到預先訂好嘅住宿（Claremont Hotel）吖。一搞掂晒啲check-in手續，就嗱嗱聲走去隔囄嘅7仔度買晚餐翻嚟“叮”嚟吃；祭好嗰五庄廟後就冲凉瞓觉。

29日6月2004年，星期二 菲臘島与企鵝會面
今日正式打開澳洲之旅嘅第一天。。。一瞓醒洗完面吃完早餐（但就有少少匆忙）嗰旅巴以經係門口度等紧（果然凖時）。一上車先知道今日嘅導遊係嗰叫Kelvin嘅肥仔，我哋係第一pair上車跟住就去載埋其余嘅團友嘞。之後就去吃早點，睇同埋喂鸚鵡；但我哋就冇吃早點，反而四圍貢同feel吓啲大自然。真係好凍。。。凍到口都出煙。喂完鸚鵡更係前進去Puffing Billy度坐火車啦，係坐火車嘅過程係要伸對腳出去先至叫坐過Puffing Billy嘅火車。坐完火車就去吃宴，我哋就去飲南瓜湯，吃home made herb面包同ham quiche，仲嘆埋杯咖啡。。。啲嘢唔係多而係大份到我哋两個係短時間都吃唔嗮，就咁打包咗嗰home made herb面包上車。之後就翻墨爾本市度搞埋啲數尾嘞，點知一到步就見到馬車；好神速咁叫老婆埋位。。。影低咗嘞。逗留咗成45分鐘後又再次啟程去菲臘島（Philips Island）度睇全球最细小嘅企鵝嘞。半途就去野生動物園度睇樹熊同喂袋鼠；然後再去埋嗰Churchill Island度影相。成六點先至到觀企鵝嘅大堂入口，嗰大堂係6:15pm就閂門。。。時關墨爾本五點就開始日落同天黑，六點就真係天黑黑囖。。。行到嗰瞭望台就認真大風兼有少少雨水添。。。係啲企鵝未三五成羣咁上岸時，就俾我哋發現咗一隻早以上咗岸同躲係嗰橋底度唔知等乜。再等多一下就見到啲企鵝由嗰海步行上岸再上埋嗰小山度揾竇，依一刻真係近距離咁望啲企鵝。之後更係翻酒店冲凉瞓觉嘞。。。但就要醫吓嗰肚先。

30日6月2004年，星期三 雨天之下見証十二門徒石
今朝又係嗰肥仔Kevin嚟接我哋，之後落去City載埋另外一個英國鬼仔同幾嗰星加坡人先至出發去Great Ocean Road。路途果然遥遠。。。好彩，都有影翻幾張所经過嘅highway同freeway。全程就由天晴去到落雨，到戲肉（睇紧Twelve Apostles）嗰時就真係够晒激吖。。。因爲睇睇吓影影吓就無啦啦落場横風横雨，啲風仲大到連人都吹起咁哜。搞到同老婆两個好狼狽咁冲翻去個Visitor Information Centre度等雨停，不過就拍咗啲狼狽嘅情形。一翻到South Yarra附近就“喳喳淋”走翻去前晚打包泰國餐間店度吃飯；之後就打倒回俯同周公倾計。

1日7月2004年，星期四 實現掏金夢
今日好似打雀咁早就係嗰街度吃晨早嘅西北風（等架旅巴嚟載我哋落town度集合）；嗰师機果然凖時，話七點半就七點半；要多都冇。到咗墨爾本市，又再次係Star Buck度吃西北風；因爲要等插有红旗仔嘅旅巴。。。今日架旅巴比前两日嘅大好多，仲係两層果隻添。而我哋就坐上層，自古都有話：坐得高，望得遠嘛。今日行程係去Ballarat度掏金，心唸應該唔會好凍；點知就凍到口都出晒白煙添。再搞一搞掏金就果真凍到手都痹埋；不過好彩都冇白費啲心機，都有些少斬穫。翻到墨爾本市都成五點幾，之後就嗱嗱淋行去Spencer Railway Station度落後日上悉尼嘅火車票。一搞掂嗰車票又再步行去Crown Casino博一博運；點知一到步就睇到燌火表演，完全係毫無心理凖備之下咁影咗幾張。但啲效果就差强人意嘞。。。之後就係咁依落賭場兜咗個白鸽轉，一兜就冇咗十蚊澳幣。話咁快又到咗吃晚飯時間，所以就“時但”咁係嗰吃堂度買咗碟两菜一飯嚟两份吃，吃完又再睇燌火表演。足足係一晚里面睇翻够本，睇成三次咁多添；最尾一次係上Melbourne Observation Desk度睇，仲拍埋video添。但就细到差唔多睇唔到；點都好過冇囖。

2日7月2004年，星期五 翻轉Mt. Buller雪山
今日比尋日更加早，六點四就到咗墨爾本唐人街左右度等去Mt. Buller嘅旅巴，好彩都仲用五分幾走去7仔度買三文治吃（两舊同老婆两份吃）。沿途又瞓咗好幾次先到Mansfield（原來呢個地方係套“The Man From A Snowy River”嘅拍摄場地；係短短嘅五日里面就已經睇咗两次。。。哈哈。。。啲澳洲佬好似拾分自豪套片咁，播完有播）。到咗Mansfield冇幾耐就去租上雪山嘅用品，但係我哋净係租咗對boot，褲，jacket同埋嗰滑雪盤。而就冇租啲滑雪板；因為又貴又浪費時間去學嘛。。。係條崎嶇嘅山路兜兜轉轉好一陣就睇到從未見過嘅真真正正嘅白雪，煞那間好兴奮；再過多拾幾分鍾就直頭摸埋添。。。哈哈。。。到咗山頂就嗱嗱淋落車上装同佬婆去滑翻两轉，啲feel真過瘾。之後再坐吊車（乜都冇只係得幾條鉄果隻）上巓峰度影靓靓相。最激都算係臨返墨爾本市前滑果幾次；滑到成個人係度打跟斗，仲拍埋video添。终于係八點幾翻到墨爾本市，跟住就落唐人街打嗰白鴿轉；之後就翻South Yarra度吃晚飯（前幾晚都係果度吃開嗰間Thai Smile）。

3日7月2004年，星期六 火車漫漫長路上悉尼
今日就行程就比較掩悶，因為要坐拾幾粒鍾火車由墨爾本去悉尼嘛；沿途都係吃同瞓囖。今日都算黑仔，一到悉尼就遇着St. Kings Cross啲員工玩罷工；搞到我好狼狽咁問人點去Kings Cross添。點知過完一關又嚟一關（預訂間旅店嘅環境十分差又其係嗰冲凉房，而四周又係悉尼出名红燈區；咁啱今日又係星期六。。。果然係載歌載舞，美女同滋粉客如雲），搞到過晚真係冇觉好瞓。

4日7月2004年，星期日 悉尼歌劇院盡現眼前
今朝辰早就退房然后就去揾酒店落脚同冲凉。。。今次真係過足Backpacker嘅feel嘞。。。终于係過两個街口揾到間唔錯嘅Victorial Court（但途中都有少少担忧，因為問咗一間都話冇房），再睇埋版就嗱嗱淋拍板成交。一搞掂啲细節就去吃早餐同冲嗰靓凉然后就去The Rock度行街。好彩得到酒店嘅老细嘅指印（教我哋點样又酒店度步行去歌劇院（Opera House）以及一带），所以我同老婆两個就步行去The Rock，途中經過Botanic Royal Garden，又果度望落悉尼港口啲view同feel直頭一流吖；而且仲殺咗唔少菲林同耽誤咗一段時間添。终于我哋成一點幾先到The Rock，行行下就突然見到真嘅雪狼狗；真係好靓。冇幾耐又睇度人吃蜀米條，自己又好想吃；就開始左望右望睇邊度買。。。哈哈。。。终于揾到個檔口嘞。用咗三嗰半澳幤買咗條同老婆两份吃，而條蜀米就比平時吃開啲牛油加盐多咗少少楜椒粉。。。果然口感唔同，有吃過翻尋味嘅感觉。係The Rock都殺到唔少纪念品俾自己。嘢又買完，都係時候行Harbour Bridge同上嗰Pylon Lookout度睇悉尼港口全景；但係未上條Harbour Bridge嘅時后就買咗杯雪糕嚟吃。。。行完Harbour Bridge就翻酒店附近打包晚餐吃。

5日7月2004年，星期一 Manly沙灘的足迹
今朝早就同尋日一样步行去Circular Quay坐渡輪過去Manly度走走，點知又邊行邊影。。。時關行行吓又講“依度靓吖，影囖”。。。就咁搞到成十一點出先到Mainly。係Mainly更係要行Corso街啦，無幾耐就見到两隻雪狼狗仲影埋相添。最後行到嗰海灘就嘩嘩聲。。。因為實在太靓嘞，仲整埋腳印同名係啲沙度影相流念。臨走都仲買翻杯雪糕嚟吃，之後先坐渡輪翻Circular Quay再轉列車落Martin Place去Pitt Mall Street度行街。點知果度係專買名牌同貴嘢。。。完全唔啱行。。。就咁係條街度兜嚟兜去到天黑先再上AMP Tower又叫Sydney Tower度睇悉尼市夜景然後翻酒店冲凉同瞓觉。

6日7月2004年，星期二 享受海港生猛海鲜餐
今日一吃完早餐就嗱嗱淋買咗两張去Town Hall嘅來回列車票；到咗Town Hall站之后就步行去唐人街，點知早到連啲店都未開舗。所以就换咗去Chinese Friendship Garden （誼園）度影相嘞，影完相又開始步行去Fish Market度睇大大隻啲鱼蝦蟹。半路仲以為行錯方向，就邊行邊問。。。點知查實係行啱咗嘅，期間仲係逹令港見到買Proton車嘅專門店添。係Fish Market都未睇到啲鱼就睇到隻好百厭嘅大海鷗唔驚人咁走落店度囖嘢（鱼）吃，仲係囖唔到都唔放棄果只添；终于俾人赶出赶入咗幾次后就囖到條鱼肉嚟吃，點知又俾個细海鷗搶咗。。。紧急關頭之下就左喥右喥，终于影到隻大海鷗。哈哈。。。嘩哈哈。。。影完相就真真正正走去睇啲靓海鲜嘞。睇到都流晒口水，行完一個round之后就去拍板買海鲜大餐嘞（澳幣24.50，有鱼，蝦，蠔，scallop。。。吖啊。。。一流吖）；嗰海鲜餐應真豐富兼回味無窮吖。成两點多先吃完海鲜大餐，跟住就步行翻去逹令港嘅IMAX度買票睇全球最大画面嘅電影。半路睇到有熱蜀米條賣，就顺路買咗條嚟吃；仲指定要加盐同楜椒粉。但就望記咗牛油，所以老婆就話冇The Rock啲咁好吃。果時段就冇乜有特别效果（3D）嘅電影睇，就咁買咗两張講Titanic documentaly嘅戲票。臨入場仲派埋啲3D眼鏡，開影時仲好有3D效果添。。。點知睇睇吓啲3D效果完全冇晒，搞到中途仲瞓咗幾輪添；時關套戲又悶，啲公仔又大到冇“輪”哦。。。好似係眼前咁。所以大画面都唔係咁好啫。。。睇完套戲都成五點左右而嗰天又開始黑，就行去Star City嘅賭場度見識見識下咁。一個白鸽轉之后就離開賭場，臨離開仲整翻條熱狗嚟吃。。。係咁冻天气之下吃熱狗真係一流。吃完熱狗就坐列車翻Kings Cross同去返翻尋晚間Q Point度吃超筍晚餐，之后就翻酒店冲凉同瞓觉。

7日7月2004年，星期三 睇三姐妹同坐頃斜52度火車
今日就冇係悉尼城市度自由行，反而跟預先訂好嘅地道Blue Mountain團。7:40AM就上咗旅巴出發。。。沿途經過個Featherdale Wildlife Park度睇啲澳洲罕見動物，係度终于有幾會睇到同摸到Wombat。係嗰park度仲有張纸四圍咁揾印章，兜兜轉轉终于都揾晒啲印章。除咗印章，仲睇到啲袋鼠唔知係度打架吖定嘻嚱添。睇完袋鼠後又再啟程去Blue Mountain，路上都幾掩悶仲黑眼瞓添。。。未到三姐妹嘅Echo Lookout Point前，嗰導遊就带咗我哋去睇瀑布。一落車冇耐就同老婆“懒”醒咁一枝箭咁向前行，之后仲俾個導遊嗌住添。。。真瘀。。。哈哈。。。睇完瀑布就繼續上山睇果三姐妹；Echo Lookout Point度好大風。拾足拾係Great Ocean Road咁，但就冇咁犀利；不過啲風都吹得郁成個人吖。係Lookout Point只得驅驅嗰20分鍾，真係冇乜影到相；而成個過程就好似滚水淥腳咁。。。走夾唔透吖。。。唉。。。然後去坐全球最斜嘅railway track成52度，全程就只得嗰驅驅幾百米。。。但就够晒過足瘾嘞。之后就去吃宴，今镬仲衰。。。吃都唔够時間；事關啲薯條好似唔使钱咁一大碗再加埋啲時間又紧奏。搞到要打包添。。。噢。。。然后就去Leura town度啲糖果店買糖果，在下一站Olympic Park度吃車風，呢運真係斎睇。因為冇得落車影翻一两張嘛。最后到咗Homebush Bay渡輪碼頭度等船翻Circular Quay。但就係Milson度落船去嗰Luna Park度影相然后先至坐列車去Kings Cross度打包中餐同翻酒店冲凉瞓觉。

8日7月2004年，星期四 葡萄酒厰試酒之樂
今日辰早就係去Hunter Valley参觀葡萄酒厰同試酒；點知試完第一間酒厰嘅红白葡萄酒後就打敗仗咗添。頭重重咁。。。跟住去到第二間酒厰之後就連試都唔咁試，最後臨走仲嘔埋前一間酒厰嘅红白葡萄酒同啲早餐出嚟添。。。唉。。。真失敗。。。之後就去Hunter valley Garden度吃宴。吃完宴就係嗰garden度四圍影相，仲試埋啲澳洲“猪屎”（chesse）先繼續去最後一站酒厰度試酒，嗰導遊仲講依間酒厰擁有全Hunter Valley最靓嘅景之一；咁更係有翻幾張架嘞。講試酒呢家嘢就唔够老婆“唦家”嘞，老婆連踩三場都面不改容。。。果然犀利。。。最後翻到悉尼市就走落唐人街揾寶芝林嘅招牌，點知微雨街下左兜右兜先揾到但就影唔到。。。因為實再太暗嘞。最後走去St. Martin Place買超筍晚餐翻酒店度吃，咁又一日咗。。。哈哈。。。

9日7月2004年，星期五 Bondi沙灘睇滑浪
今朝遲出。。。所以坐列車去Bondi Junction轉831號巴士去Bondi Beach；一到就俾嗰海灘吸引到急不可待咁影咗好幾張。之後先醒起冇带樽嚟装Bondi Beach啲沙。。。變咗要去啲澳洲7仔買水，仲要“咋咋淋”飲晒同“fing”干可樽嚟装沙；但就冇即刻去做。。。時關要行上稍微高些少嘅地方拍低Bondi Beach video啦，然後就落去海灘装沙。更係唔少得好似Manly Beach咁打腳印影相嘞。做晒啲大會指定動作後就行翻過對面啲店度睇有咩吮嘢，一下就睇到件扣五折嘅jacket之後就同老婆整做一人一件嘞。買完筍嘢更係揾嘢吃架啦，先嚟嗰雪糕然後去KFC度叫鷄再加多個Bacon with chesse漢寶包。吃完宴都成三點出，所以就赶住落Paddy's Market度行下。。。到得嚟都以經成四點。。。就咁剩翻一粒鍾係嗰market度嘞，之後就去吃晚飯同翻酒店冲凉瞓觉。

10日7月2004年，星期六 参觀Fox Studio同睇做糖果
今日就好似尋日朝咁坐列車去Bondi Junction轉巴士去Paddington Market，點知天公就落雨而我哋又早到連嗰market啲檔口都未開齐；行冇两吓就轉胎同老婆去Fish Market再吃海鲜餐。今次就吃生蠔，龍蝦，大蝦，三文魚同盐椒蟹。。。吃得真滋味同過瘾。然後再去Fox Studio，點知有再次失望。。。因為完全一啲特别都冇，就咁又坐巴去The Rock都行。係The Rock度睇人整糖仔仲影埋嗰免費試吃糖添，時關嗰糖中間有SYDNEY嗰名係度。最後翻去Q-Point度吃晚餐，今晚最後一晚係悉尼。。。所以就係附近打包咗Pizza同燒Pork Rib。

11日7月2004年，星期日 澳洲之旅尾聲前夕
今朝吃完早餐同搞掂嗮啲酒店check out手續後趁仲有些少時間就步行去Opera House。。。事關係悉尼咁多日又係Circular Quay附近行出行入都未真真正正係Opera House度影吓相。又一次經過Bontanic Royal Garden又咁係嗰公園度發現前幾此未睇見過嘅奇景。。。成堆蝙蝠倒吊係棵樹度，有啲仲飛嚟飛去。。。又咁殺咗少少時間嚟影低啲所爲奇景。最後终于抵達南半球出名嘅歌劇院嘞。係某個角度觉得嗰海磅有啲似香港尖東海磅添。。。係仲有一個多鐘之下，又再次重回The Rocks Market。。。期間睇度熱蜀條，但就冇買嚟吃。因爲已經吃過两次嘞。。。臨去巴士站等車就步經咖啡展，就手痕痕咁拎咗杯“dare”品牌嘅嚟飲；果然又香又好飲。翻到Kings Cross就左睇右望。。。最後走去Thai Power度吃熱辣辣嘅泰國餐，吃完宴就翻酒店等Airport Bus嚟pick up去悉尼國際機場check-in奥地利航班翻KL嘞。